Ispanııanyń 50 qalasynda turǵyn úı daǵdarysyna qarsy demonstratsııalar ótti
ASTANA. KAZINFORM — 5 sáýirde Ispanııanyń 50 qalasynda «turǵyn úı bıznesin aıaqtaıyq!» degen uranmen jappaı narazylyqtar ótkizildi, habarlaıdy Euronews.
Jalǵa alýshylar men áleýmettik platformalar turǵyn úı daǵdarysyn sheshýdi talap etý úshin bas biriktirdi. Olardyń negizgi talaptary — jaldaý aqysyn 50%-ǵa tómendetý, bos jatqan úılerdi qalpyna keltirý jáne turǵyn úılerden osal otbasylardy shyǵarýǵa tyıym salý boldy.
Jappaı narazylyqtar 2023 jyldyń sáýirinde Kanar araldarynda turǵyndar týrızmniń turaqty modelin jáne qoljetimdi baspanany talap etken kezde bastaldy. Kóp uzamaı sharaǵa Malaga, Madrıd, Barselona jáne Valensııa tárizdi basqa qalalar da qosyldy.
Ispanııada jaldaý aqysy kúrt ósip ketti. Saldarynan kóptegen otbasy úshin baspana jaldaý aqysyn tóleý múmkin emes boldy.
Negizinen atalmysh aktsııalar Madrıdte narazylyq ataýlary bar stantsııalar arqyly kórsetilse, Kanar araldarynda áshekeılengen músinder sııaqty sımvolıkalyq is-sharalar arqyly jetkizildi.
Osylaısha, uıymdastyrýshylar bul narazylyqtar Ispanııadaǵy qoljetimdi baspana úshin kúrestiń jańa tolqynynyń bastamasy bolatynyna senimdi.
Buǵan deıin 2024 jyly Ispanııada jumyssyzdyq deńgeıi tómendegenin jazǵan edik.