Ispanııalyq arheologtar Lorkanyń qabirin qazýdy bastaıdy
ASTANA. Qazannyń 26-sy. QazAqparat - Dúısenbi, qazannyń 26-synda ıspanııalyq arheologtar 1936 jyly Azamattyq soǵystyń alǵashqy kúnderinde frankshylar óltirgen ıspan aqyny Federıko Garsıa Lorkanyń qabirin resmı qazýdy bastaıdy,
dep habarlaıdy QazAqparat Lenta. Rý saıtyna silteme jasap.
Aqynnyń yqtımal múrdesi qazyp alynyp, qazir kózi tiri týystarynyń DNK-simen salystyrý úshin odan DNK úlgilerin alady jáne sáıkestendirý oń nátıje bergen jaǵdaıda Lorkanyń súıegi qurmetpen qaıta jerelenedi.
Lorkanyń otbasy uzaq jyldar boıy aqynnyń múrdesin qazýǵa qarsy bolyp kelgen. Alaıda Ispanııada 2007 jyly «Tarıhı eskertkishter týraly» zań qabyldanǵannan keıin Lorkamen birge atylǵan frankshylardyń basqa da qurbandarynyń týystary múrdeni ashýǵa jáne olardy tanýǵa berilgen quqyqty sot arqyly talap etti. Sot bul talappen kelisti jáne aqynnyń týystary aqyr sońynda Granada mańyndaǵy ortaq zıratty qazýǵa kelisimderin berdi.
