Ispanııalyq Viajar jýrnaly Almatyny Ortalyq Azııadaǵy eń tartymdy baǵyttardyń biri dep atady
ASTANA. KAZINFORM – Ispanııanyń Viajar týrıstik jýrnaly Qazaqstan týraly maqala jarııalap, Almaty qalasynyń týrıstik áleýetine erekshe nazar aýdardy, dep habarlaıdy qala ákimdigi.
Jarııalanym avtorlary Almatyny Ortalyq Azııadaǵy eń tartymdy týrıstik baǵyttardyń biri dep ataǵan.
– Maqalada Almatynyń Tıan-Shan taýlarynyń baýraıynda ornalasqany, damyǵan týrıstik ınfraqurylymy, baı mádenı murasy, san alýan gastronomııasy jáne belsendi demalysqa arnalǵan keń múmkindikteri atap ótilgen, – delingen habarlamada.
Viajar – Ispanııadaǵy jetekshi týrıstik basylymdardyń biri. Jýrnal ondaǵan jyl boıy oqyrmandaryna álemniń eń qyzyqty saıahat baǵyttary týraly aqparat usynyp keledi.
Jarııalanym Almatynyń halyqaralyq týrıstik ımıdjin nyǵaıtyp, sheteldik saıahatshylardyń qalaǵa qyzyǵýshylyǵyn arttyrýǵa yqpal etedi.
Aıta keteıik, Abaı oblysynda týrızm men mádenıetti ushtastyrǵan festıval ótip jatyr.
