Ispanııalyq sarapshylar Dımash Qudaıbergenniń daýys ereksheligin baǵalady
ASTANA. KAZINFORM — 9 tamyzda Mediaset España medıa tobynyń quramyna kiretin Cuatro telearnasy efırden Dımash Qudaıbergenge jáne onyń vokaldyq múmkindikterine arnalǵan arnaıy sıýjetti qamtyǵan jańalyqtar shyǵarylymyn usyndy, dep habarlaıdy dimashnews.com.
Reportaj telejúrgizýshi Marta Reıero júrgizgen jańalyqtar baǵdarlamasynda kórsetildi. Jýrnalıst Noemı Baýtısta otorınolarıngolog dáriger Ester Sota Egısabalmen birge Dımashtyń daýys erekshelikteri men vokaldyq dıapazonyna qatysty erekshelikterdi talqylady.
Efır barysynda Dımashtyń «SOS», «Diva Dance» jáne «Stranger» kompozıtsııalary oryndaldy. Sıýjette ánshiniń vokaldyq dıapazony men daýys erekshelikterine aıryqsha nazar aýdaryldy. Sondaı-aq Dımashtyń vokaldyq múmkindikteri Meraııa Kerı, Lýchano Pavarottı jáne Marııa Kallas sekildi álemge tanymal ánshilermen salystyryldy.
Baǵdarlama júrgizýshisi Dımash daýysynyń múmkindikterin atap ótip, «adamzat úshin múmkin emesteı daýys» dep sıpattady.
Sıýjet sońynda: «alty oktava álemine alyp kete alatyn ánshi» degen tujyrym jasaldy.
Aıta ketelik Dımash Qudaıbergenniń túrik tilindegi alǵashqy áni qalaı ómirge kelgeni týraly jazǵan edik.
