Ispanııalyq Rodrı fýtboldan 2024 jylǵy «Altyn dop» ıegeri boldy

ASTANA. KAZINFORM — Ispanııalyq Rodrı (Rodrıgo Ernandes) fýtboldan 2024 jylǵy «Altyn dop» ıegeri boldy.

Bıyl 68-shi márte ótkizilgen dástúrli is-shara álemdegi úzdik fýtbolshylardy anyqtaý maqsatynda qolǵa alynǵan. 1956 jyldan beri «France Football» jýrnalynyń qoldaýymen turaqty túrde uıymdastyrylyp keledi.

Ereje oıynsha erler men áıelder arasynda «Altyn dop» ıegeri anyqtalyp, 21 jasqa deıingi fýtbolshylar arasynda «Kopa trofeıi», úzdik qaqpashyǵa «ıAshın trofeıi» berildi. Sondaı-aq úzdik erler jáne áıelder komandalary anyqtaldy. Al ótken maýsymdaǵy úzdik surmergenge Gerd Mıýller trofeıi tabystaldy.

Bıyl olardyń qataryna taǵy eki jańa marapat qosyldy. Endi erler jáne áıelder komandalary arasynda úzdik bapkerler esimi belgili boldy. 

Úzdik fýtbolshy: Rodrı («Manchester Sıtı», Ispanııa quramasy).

Úzdik áıel fýtbolshy Aıtana Bonmatı («Barselona», Ispanııa quramasy).

Kopa trofeıi: Lamın ıAmal («Barselona», Ispanııa quramasy).

Mıýller trofeıi: Harrı Keın («Bavarııa», Anglııa quramasy), Kılıan Mbappe («PSJ» / «Real», Frantsııa quramasy).

ıAshın trofnıi: Emılıano Martınes («Aston Vılla», Argentına quramasy).

Úzdik klýb (erler): «Real Madrıd».

Úzdik klýb (áıelder): «Barselona».

Úzdik bapker (erler): Karlo Anchelottı («Real Madrıd»).

Úzdik bapker (áıelder): Emma Heız («Chelsı», AQSh quramasy).