Ispanııalyq klýb Baqtıer Zaınýtdınovqa usynys jasady

ASTANA. KAZINFORM – Túrkııalyq «Beshıktash» fýtbol klýbynyń jáne Qazaqstan quramasynyń jartylaı qorǵaýshysy Baqtıer Zaınýtdınov mansabyn Ispanııa chempıonatynda jalǵastyrýy múmkin. Bul týraly Sports.kz habarlady. 

Jýrnalıst Serdar Sarydagtyń habarlaýynsha, Ispanııanyń La Lıgasynda oınaıtyn «Real Valıadolıd» fýtbol klýby Ystanbul klýbyna Zaınýtdınovty jalǵa berý týraly usynys jasaǵan. Óz kezeginde Beshıktash basshylyǵy mindetti satyp alý optsııasy bar usynysqa ashyq bolatynyn aıtty. 

Habarlanǵandaı, «Beshıktash» Zaınýtdınovti mindetti satyp alýsyz jalǵa alý múmkindigin qarastyrmaıdy. 

Bıylǵy maýsymda qazaqstandyq fýtbolshy túrkııalyq klýb komanda sapynda 12 oıyn ótkizip, bir nátıjeli pas berdi. 

Aıta keteıik, «Real Valıadolıd» komandasy HHІ týrdan keıin La Lıgada sońǵy 20-orynda tur. 

Eske salsaq, buǵan deıin Qazaqstan ulttyq quramasy bas bapkeriniń mindetin ýaqytsha atqarýshy bolyp otandyq maman Álı Álıev taǵaıyndalǵanyn habarlaǵan edik.