Ispanııalyq Karlos Alkaras Rolan Garros týrnıriniń chempıony atandy

PARIJ. KAZINFORM – Ispanııalyq tennısshi, álemniń 3-raketkasy, 21 jastaǵy Karlos Alkaras alǵash ret Rolan Garros týrnıriniń chempıony atandy.

Ispanııalyq sportshy asa tartysty matchta álemniń 4-raketkasy, germanııalyq Aleksandr Zverevti utty – 6:3, 2:6, 5:7, 6:1, 6:2.

Tórt saǵat 19 mınýtqa sozylǵan báseke barysynda K.Alkaras 3 eıspen birge 16 breık-poınttyń 9-yn paıdalandy. A.Zverev 8 eıs, 6 breıkpen (23 breık-poınt) kózge tústi. 

Osy dodada 2019 jylǵy fınalda bir sette 6:1 esebi tirkelip, ol ataqty ıspanııalyq, Rolan Garros týrnıriniń 14 dúrkin chempıony Rafael Nadaldyń enshisine jazylǵan edi. K.Alkaras sol esepti (6:1) qaıtalady.

Osyǵan deıin K.Alkaras 2022 jyly US Open, ótken jyly Ýımbldonda úzdik shyqsa, endi oǵan Australian Open jarysynyń chempıondyq ataǵy ǵana jetpeı tur. Sonymen qatar ıspanııalyq sportshy túrli tósenishtegi úsh birdeı «Úlken dýlyǵa» týrnıriniń chempıony atanǵan eń jas tennısshi boldy. 

Bıylǵy Frantsııa ashyq chempıonatynyń bir ereksheligi, shırek fınalda álemniń 1-raketkasy, serbııalyq, ótken jylǵy jeńimpaz Novak Djokovıch jaraqatyna baılanysty matchqa qatysýdan bas tartqandyqtan, aldaǵy dúısenbide jańartylatyn dúnıejúzilik reıtıngide ıtalııalyq ıAnnık Sınner alǵash ret kósh bastaıdy. ıA.Sınnerdi jartylaı fınalda K.Alkaras joldan taıdyrdy – 2:6, 6:3, 3:6, 6:4, 6:3. 

Karlos Alkaras álemdik reıtıngide 2-orynǵa kóterilip, N.Djokovıch 3-satyǵa syrǵıdy.

Eske sala keteıik, budan buryn Iga Shventektiń úshinshi jyl qatarynan Rolan Garros týrnıriniń chempıony atanǵanyn jazǵan bolatynbyz.