Ispanııalyq fýtbolshy almatylyq «Qaıratqa» qosyldy
ALMATY. KAZINFORM – «Qaırat» fýtbol klýby ıspanııalyq shabýylshy Mark Gýalmen kelisimshartqa qol qoıǵanyn habarlady.
Kelisim 2027 jyldyń sońyna deıin jasalǵan. Shabýylshynyń jasy 30-da, boıy - 184 sm.
«Qaırat» málimetinshe, Mark Gýal Katalonııadaǵy Badalona qalasynda dúnıege kelgen. Ol «Badalona», «Barselona», «Espanol» klýbtarynyń akademııalarynda tálim alǵan. Kásibı mansabynda «Sevılıa Atletıko», «Saragosa», «Jırona», «Real Madrıd Kastılıa», «Alkorkon» klýbtarynyń namysyn qorǵady.
2022 jylǵy kóktemde Gýal polshalyq «ıAgellonııaǵa» aýysqan. 2022/23 jylǵy maýsym qorytyndysynda Polsha chempıonatynyń úzdik surmergeni atanyp, Ekstraklassanyń eń úzdik shabýylshysy dep tanyldy. 2023 jylǵy jazda varshavalyq «Legııa» sapyna qosylyp, klýbpen birge Polsha Kýbogy men Sýperkýbogyn jeńgen.
- 2024/25 jylǵy maýsymda barlyq týrnırde 19 gol soǵyp, komandanyń úzdik surmergeni atandy. Onyń ishinde ÝEFA Konferentsııa lıgasynda 7 márte mergendik tanytty. Shabýylshynyń sońǵy klýby Portýgalııa chempıonatynyń joǵarǵy dıvızıonynda óner kórsetetin «Rıý Ave» boldy, - dep habarlady almatylyq klýb.
Sondaı-aq Mark Gýal Ispanııa U-21 jastar quramasy sapynda úsh match ótkizgen.
Eske salaıyq, Dastan Satpaev osy aıda «Qaırat» sapyndaǵy sońǵy matchtaryn ótkizedi. Keıin qazaqstandyq fýtbolshy «Chelsı» sapyna qosylady.
