Ispanııadaǵy Qazaqstan azamattaryna elshilik ókilderi eskertý jasady
NUR-SULTAN. QazAqparat – Qazaqstannyń Ispanııadaǵy elshiliginiń ókilderi, osy elde júrgen Qazaqstan azamattaryna eskertý jasady dep habarlaıdy QazAqparat elshiliktiń málimetterine súıene otyryp.
«Ispanııada koronavırýstyń tarap, jaǵdaıdyń nasharlaýyna baılanysty Qazaqstan Respýblıkasynyń Madrıdtegi Elshiliginiń Konsýldyq bólimi jáne Barselonadaǵy konsýldyǵy Ispanııada ornalasqan Qazaqstan azamattarymen únemi baılanysta.
Ispanııada aýrý juqtyrǵandardyń sany 5700 adamnan asty. Vırýstyń taralýynyń basty baǵyty 3 myńnan astam adam tirkelgen Madrıdtiń avtonomdy qoǵamdastyǵy ekenin eskerý qajet.
Túrik jáne Reseı avıakompanııalarynyń Qazaqstan azamattaryna reısteriniń kúshin joıýdy eskere otyryp, basqa qala nemese jaqyn elder arqyly balama yqtımal marshrýttar izdeý usynylady (eger múmkin bolsa, juqtyrý qaýpi joǵary bolǵandyqtan Madrıdten tys reıstermen qaıtý durys bolady)»,-delingen habarlamada.
