Ispanııadaǵy Dúnıejúzilik transplant-oıyndarynda Qazaqstan týy kóterildi
ASTANA. QazAqparat - Donorlyq músheleri bar sportshylar Ispanııanyń Malaga qalasynda XXI Dúnıejúzilik transplant-oıyndarynyń ashylýyna qatysty, dep habarlaıdy «QazAqparat» HAA tilshisi.
Qazaqstannyń atynan Oıynǵa 6 sportshy qatysýda: Jánibek Ospanov, Gúlmıra Smaıylova, Ashat Qalıkeshov, Erjan Muhamedıev, Jetkinshek Nurov pen Ápireshan Hovdahan. Aıta keteıik, qatysýshylardyń úsheýiniń júregi, taǵy úsheýiniń búıregi aýystyrylyp otyrǵyzylǵan. Olar sýda júzý, ústel tennısi jáne boýlıng boıynsha baq synasady.
Týdy Qazaqstan quramasynan QR-da eń alǵash donorlyq júrek aýystyrylyp otyrǵyzylǵan Jánibek Ospan kóteredi.
«Ashylý saltanatyna 60-tan astam el qatysty. Sportshylar komandasy Qazaqstannyń týymen saltanatty túrde aınalyp ótip shyqty», - dedi Jánibek Ospanov. 
