Ispanııadaǵy buqalar festıvalinde 4 adam taptalyp qaldy
ASTANA. QazAqparat - Ispanııanyń Pamplona qalasynda dástúrli buqalar festıvalinde 4 adam jaralandy. Qazir olar aýrýhanada jatyr, dep habarlaıdy 24.kz.
Myńdaǵan qala turǵyny arnaıy kıim kıip, jyl saıyn ótetin festıvaldi kóterińki kóńil-kúımen bastaǵan. Oıynnyń sharty boıynsha adamdar bosatyp jibergen buqalardyń aldyna túsip alyp, qashýy tıis. Solardyń tórteýi buqalardyń astynda qaldy. Bul qansha qaýipti bolsa da, jyl saıyn ótetin sharaǵa qatysatyn jurttyń qarasy kóbeımese, azaıǵan joq. Ispanııaǵa kelgen saıahatshylar ásirese osy sharany kórýge qumar.
