Ispanııadaǵy «altyn vıza» ınvestorlardy qyzyqtyra bastady
ASTANA. QazAqparat - Ispanııadaǵy jyljymaıtyn múlikke ınvestıtsııalardy turýǵa yqtııarlyq berýge aýystyrý shemasy óziniń tıimdiligin kórsetip, osy eldegi jyljymaıtyn múlikke sheteldikterdiń qyzyǵýshylyǵyn arttyrdy, dep habarlady www.homesoverseas.ru saıty.
2014 jyldyń birinshi toqsanynda jyljymaıtyn múlikterdi sheteldikterge satý 27,2 paıyzǵa ulǵaıǵany tirkeldi.
Ispanııa notarıýstary bas keńesiniń málimetteri boıynsha sheteldikterge jyljymaıtyn múlikterdi satý kóleminiń ósýi azııalyq elder ınvestorlary sanynyń arta túsýi esebinen kóbeıgen. Atap aıtqanda, qyytaılyq satyp alýshylar sany ótken jyldyń osy kezeńimen salystyrǵanda, 83,1 paıyzǵa ósken. Eń joǵary ósim - 88,9 paıyz - AQSh satyp alýshylary tarapynan bolǵan. Reseılik satyp alýshylar sany 62,6 paıyzǵa ulǵaıdy. 2014 jyldyń birinshi toqsanyndaǵy jyljymaıtyn múlikti sheteldikterge satýdyń jalpy úlesi búkil mámilelerdiń 19,4 paıyzyn quraıdy. Sheteldik ınvestorlar Baskiler eli, Katalonııa, Balear araldary, Astýrııa, Andalýsııa, Kanar araldary, Madrıd qalasy sııaqty óńirlerge asa úlken qyzyǵýshylyq bidldirýde. Máselen, Madrıdte jyljymaıtyn múlikterdi satyp alǵan sheteldik satyp alýshylardyń sany ótken jylmen salystyrǵanda, 42,5 paıyzǵa ósken. Portýgalııa men Kıprden keıin 2013 jyly qyrkúıekte Ispanııa da eldiń jyljymaıtyn múlkine 500 000 eýro salǵan jaǵdaıda elde turýǵa yqtııarlyq berý baǵdarlamasyn bastaǵan bolatyn.
