Ispanııadaǵy týrnırde Mahmud Sabyrhan altynǵa talasady

ASTANA. KAZINFORM - Ispanııanyń La-Nýsııa qalasynda ótip jatqan bokstan Boxam Elite-2026 týrnırinde Mahmud Sabyrhan (55 keli) fınalǵa joldama aldy.

Qazaqstandyq boksshy fınal joldamasyn úndistandyq Sıngh Mandengban Djadýmanımen sarapqa salǵan edi. 

Jekpe-jek barysynda otandasymyz qarsylasyna eshqandaı múmkindik bergen joq. Nátıjesinde tóreshilerdiń biraýyzdan sheshimimen qarsylasynan 5:0 esebimen basym tústi.

Mahmud Sabyrhan 2001 jyly dúnıege kelgen. Qazirge deıin 2023 jyly álem chempıony bolsa, 2021 jyly kúmis júldeger atandy. 2024 jyly Azııa chempıony ataǵyn jeńip alsa, 2022 jyly qurlyqtyq dodada ekinshi oryn aldy.

Qyrkúıek aıynda Mahmud Sabyrhan Lıverpýldegi álem birinshiliginiń altyn medalin ıelendi.

Otandasymyz World Boxing uıymy jarııalaǵan baıqaýda jyldyń úzdik boksshy ataǵyna ıe boldy.

Aıta ketsek, budan buryn Ispanııadaǵy týrnırde Sanjar Táshkenbaı (50 keli) fınalǵa joldama aldy.

Búgin Ispanııadaǵy týrnırde qazaqstandyq 17 boksshy jartylaı fınalda synǵa túsýge múmkindik aldy.

Qazirge deıin el quramasynan Nazerke Serik (65 keli), Panar Seıithanqyzy (80 keli), Ýmıda Sadyqova (80 keliden joǵary) fınalǵa shyqsa, Elıanur Turǵanova (48 keli), Nurzat Ońǵarov (50 keli), Gúzal Sadyqova (80 keli) qola júldeni mise tutty.