Ispanııadaǵy tártipsizdikterge ne túrtki bolǵany anyqtaldy

ASTANA. KAZINFORM – Ispanııanyń shyǵysyndaǵy Torre-Pacheko qalasynda 68 jastaǵy azamatqa jasalǵan shabýyl tártipsizdikterdiń oryn alýyna túrtki boldy, dep habarlaıdy Kazinform menshikti tilshisi.

Oqıǵa sársenbi kúni zeınetker zırattardyń janynan ótip bara jatqanda bolǵan. Ol shaǵymynda ózine shabýyldaǵan adamdardyń soltústikafrıkalyq bolýy múmkin ekendigin aıtqan. Óz kezeginde bul jaǵdaı jergilikti turǵyndar arasynda ksenofobııalyq kóńil-kúı týdyryp, Torre-Pachekony mıgranttardan qorǵaý kerek degen túsinik qalyptastyrdy.

Keıinirek turǵyndardyń jıyny ótip, jergilikti azamattar Mýrsııa qalasynda Magrıb óńirinen kelgenderge qyryn qaraı bastaǵan. 40 myń turǵyny bar bul qala turǵyndarynyń 30 paıyzy soltústikafrıkadan kelgender. Demalys kúnderi marokkolyqtar men radıkaldy ońshyl toptarmen aralasqan jergilikti turǵyndar ózara kerisip qalǵan.

Taraptardyń arasynda qaýipsiz ara qashyqtyqty saqtaý úshin iske polıtsııa men Azamattyq gvardııa aralasqan. Osylaısha, Torre-Pacheko soltústikfarıkalyq jastar tarapynan jasalatyn qylmystarmen kúresý úshin aýdandyq patrýlder qurý týraly debattyń ortalyǵyna aınaldy.

Mýrsııanyń avtonomdy qoǵamdastyǵynyń prezıdenti Fernando Mıras jeksenbide sońǵy kúnderi Torre-Pachekoda bolǵan jaısyz oqıǵalar týraly habardan soń tynyshtyq saqtaý qajettigin aıtty.

Qaqtyǵys saldarynan jeksenbi kúni tań ata bes adam túrli dene jaraqattaryn aldy, 1 adam tutqyndaldy. Kóshede birqatar kólik búlinip, jerde qan izderi qalǵan.

Lopes Mıra baspasóz máslıhatynda qaýipsizdik kúshteriniń eńbegin atap ótip, kináli adamdar jaýapqa tartylatynyn jetkizdi.

Qalada Azamattyq gvardııanyń 75 qyzmetkeri júr. Ispanııanyń Іshki ister mınıstrligindegi derekkóz eki arnaıy bólimsheniń qyzmetkerleri júrgenin aıtty.

Osyǵan deıin Ispanııada etnıkalyq qaqtyǵys órshı túskeni týraly jazdyq.