Ispanııadaǵy orman órti rekordtyq deńgeıge jetti
ASTANA.KAZINFORM - Ispanııada 343 000 gektardan astam, ıaǵnı jarty mıllıonǵa jýyq fýtbol alańyna teń keletin orman órtenip ketti.
Al Ispanııanyń soltústik-batysyndaǵy Kastılııa-Leon avtonomııalyq qoǵamdastyǵynda júzdegen adam narazylyq sherýlerine shyqty. Turǵyndar bıliktiń iri órtke qarsy áreketine narazy.
Leon qalasynyń myńǵa jýyq turǵyny osy dúısenbide Kastılııa-Leon aımaqtyq úkimetiniń qorshaǵan ortany qorǵaý mınıstri Hýan Karlos Sýares-Kvınestiń orman sharýashylyǵy saıasatyna baılanysty otstavkaǵa ketýin talap etip jınaldy.
Jergilikti telearna sonymen birge narazylyq bildirýshiler aımaq prezıdenti Alfonso Fernandes Manıýekonyń órttiń aldyn alý jáne sóndirý qyzmetindegi jumysynyń nasharlyǵyna baılanysty otstavkaǵa ketýin talap etkenin atap ótti.
Mıtıng tótenshe órtter aýyl-aımaqtardy sharpyp, mal, omarta jáne orman sharýashylyǵyna zııanyn tıgizzip, úılerdi qıratyp, tipti adam ólimine ákelip jatqanda, ıaǵnı tótenshe jaǵdaıda ótti. Sonymen qatar, seısenbide órtke qarsy jańa talaptar jarııalandy.
Qazirgi órt tolqyny saldarynan Ispanııada tirkelgen tórt ólimniń úsheýi Leonda boldy.
Ispanııa premer-mınıstri Pedro Sanches órtterdi klımattyń ózgerýimen baılanystyrdy.
-Tótenshe klımattyq jaǵdaıdyń saldary kúsheıip, jedeldep, otandastarymyzdyń ómirine kóbirek áser etip jatqany týraly ǵylymı dálelder bar, - dedi ol.
Sondaı-aq, ol órt qoıýshylar qatań jazalanatynyna ýáde berdi.
- Órt týdyrǵandar jazasyz qalmaıdy: olar mindetti túrde jaýapqa tartylýy kerek, - dedi ol.
Ispanııa sondaı-aq Slovakııa, Frantsııa, Italııa jáne Germanııa bıligine kómekteri úshin alǵysyn bildirdi.
Osyǵan deıin orman órti Ispanııanyń 50-den astam óńirin sharpyǵany týraly jazdyq.