Ispanııadaǵy alapat sý tasqynynan 89 adam iz-túzsiz joǵalǵandar sanatynda qalyp otyr

ASTANA. KAZINFORM - Jaqynda Ispanııanyń shyǵys bóligine joıqyn zardaptar ákelgen sý tasqynynan qaza tapqandar sany 217-ge jetse, taǵy 89 adam iz-túzsiz joǵalyp ketti. Sársenbide Biryńǵaı derekter ortalyǵy /CID/ oqıǵalar týraly jarııalaǵan málimetter buǵan dálel, dep jazady Sınhýa.

Qaıtys bolǵandardyń 211-i Ispanııanyń Valensııa aımaǵynda kóz jumsa, beseýi kórshi Kastılııa-La-Manchada jáne taǵy bireýi Andalýsııada ajal qushty.

Ispanııa úkimetiniń málimetinshe, qazir zardap shekken aımaqta 7987 ásker men 1639 tehnıka, onyń ishinde 12 tikushaq pen 18 qaıyq jumys istep jatyr.

Qutqarý kúshterine Ispanııanyń ulttyq polıtsııasy men azamattyq gvardııasynyń 5000-ǵa jýyq qyzmetkeri, sondaı-aq basqa qutqarý qyzmetteri, sonyń ishinde eldiń basqa bólikterinen kelgen órt sóndirý brıgadalary kómektesip jatyr. 

Ispanııa úkimetiniń qazirdiń ózinde jarııalanǵan kómek paketterinen basqa, Eýropalyq ınvestıtsııalyq bank (EIB) jáne Ispanııa úkimeti de kómek kórsetýge nıet bildirip otyr. 

Eske sala keteıik, buǵan deıin Ispanııada sý tasqynyna ákelgen apat saldarynan Valensııada kópir qulap, Malagada poıyz relsten shyǵyp ketkenin jazǵan bolatynbyz.