Ispanııada15 myń jyl buryn tasqa qashalǵan kóne sýretter tabyldy
ASTANA. QazAqparat - Ispanııanyń soltústik aımaǵynda jartasqa qashalǵan kóne sýretter tabylyp, osy saladaǵy ǵalymdardyń tarıhı qupııalarǵa degen qyzyǵýshylyǵyn arttyra tústi.
TASS agenttiginiń habarlaýynsha, Ispanııanyń Baskalar eli avtonomııaly aımaǵynyń mamandary Gıpýskoa provıntsııasyndaǵy «Erlaıts» úńgiriniń joǵarǵy jaǵynan tapqan sýretterdi jarııa etti. Onda shamamen 22-15 myń buryn salǵan at, buǵy, ógizderdiń beıneleri bar. Tasqa basylǵan «tańbalar» jaqsy saqtalǵan.
«Erlaıts» úńgiri ejelgi adamdar qolóneriniń naǵyz murajaıy sanalatyn «Ekaın» úńgirine jáne kóne sýretter salynǵan basqa da birneshe úńgirge jaqyn jerde ornalasqan, sondyqtan ǵalymdar bul aýdannan taǵy da jańalyqtar ashylatynyna senimdi.
