Ispanııada «jyndanǵan» buqadan 7 adam zardap shekti
ASTANA. 10 shilde. QazAqparat - Ispanııanyń Pamplona qalasynda buqa jarysy ótip jatqanyna 3 kún boldy. Dúısenbi kúni, 9 shildede «jyndanǵan» maldan 7 adam aýyr jaraqattandy, dep habarlady CNN telearnasy.
Salmaǵy 500 keliden artyq Qashqyn atty buqa sol jaqta jaqyn otyrǵan adamdarǵa shabýyl jasaǵan. Sonyń saldarynan Ulybrıtanııadan kelgen 29 jasar týrıst oń jaq jambasynan, onyń joldasy 20 jasar Nık Kaýchmen sol jaq jambasynan jaraqattandy, dep habarlady RBK.
Oqıǵaǵa kýáger bolǵan L.Tarf jýrnalısterge «ashýǵa mingen» buqadan áreń degende janyn aman alyp qalǵanyn aıtty.
14 shildede bitýi tıis festıvaldiń 3 kúninde birneshe myńdaǵan adam zardap shekti. Jarysqa qatysýshylardyń 15-i aýyr jaraqat aldy, olardyń arasynda sheteldikter - brıtandyqtar, amerıkandyqtar, avstralııalyqtar men japondyqtar bar.
Pamplonada ótetin «San Fermın» merekesi ádette 6 shildede bastalyp 9 kúnge sozylady.
