Ispanııada jumyssyz mıgrant lotereıadan 400 myń eýro utty
ASTANA. QazAqparat - Senegaldyq jumyssyz mıgrant Ngame Ispanııada rojdestvolyq lotereıadan 400 myń eýro utyp aldy, dep jazady The Guardian. 35 jastaǵy er adam zaıybymen birge turatyn ıspanııalyq Almerııa provıntsııasynda satyp alǵan 1,6 myń utys bıletteriniń birine ıe bolǵany atap ótiledi.
«Buǵan sene alar emespin. Aıtqym keletini, bizde tipti 5 eýro da bolmaǵan kúnderdi bastan keshtik», - dedi mıgrant jergilikti gazetke bergen suhbatynda. Ol taıaýda jumystan shyǵarylǵanyn qosyp aıtty.
Basylymnyń atap ótýinshe, 8 jyl buryn Ngame Marokkodan Ispanııaǵa adamdarǵa toly aǵash qaıyqpen ótpek bolǵan. Іshinde 65 adam otyrǵan qaıyq sýǵa bata jazdady, biraq Ispanııanyń jaǵalaýdaǵy kúzeti er adam men onyń zaıybyn qutqara alǵan.
Maqalanyń avtory El Gordo lotereıasynyń álemdegi eń tanymaldarynyń biri ekenin atap ótedi.
