Ispanııada jerleýge apara jatqan áıel aıaq astynan «tirilip» ketti
ASTANA.KAZINFORM - Qaıtys bolǵany rastalǵan áıel jerleýge apara jatqanda qımyldaǵan, dep habarlaıdy Mirror.
Áıeldi jerleýge daıyndaý úshin máıithanadan jerleý úıine ákelgen. Alaıda bıýro qyzmetkerleri egde áıeldiń tamyr soǵysyn baıqaǵan. Ol tipti saýsaqtaryn silkigen.
Palma qalasyndaǵy jerleý úıiniń feldsherleri onyń tiri ekenin rastap, qalalyq aýrýhanaǵa jibergen. Onyń qazirgi jaǵdaıy belgisiz.
Qazirgi ýaqytta qaıtys boldy degen aqparattyń qalaı qate berilgenin anyqtaý úshin ishki tergeý júrgizilip jatyr.
Osyǵan uqsas jaǵdaı 2015 jyly Reseıde bolǵan. Onda qaıtys bolǵan adam máıithanada tirilip ketken bolatyn.
Sondaı-aq 2010 jyly aýstralııalyq perzenthanalardyń birinde tańǵajaıyp oqıǵa boldy. Óli ári shala týǵan náreste anasy qolyna alǵan soń ómir belgilerin kórsete bastady.
Aıta keteıik, Ispanııada Papa Frantsısktyń qazasyna baılanysty úsh kúndik aza tutý jarııalandy.