Ispanııada jasóspirimderge temeki shegýge tyıym salynyp, ata-analarǵa aıyppul engiziledi

ASTANA. KAZINFORM — Ispanııa Mınıstrler Kabıneti ashyq aspan astyndaǵy kontsertter men barlardyń dálizderinde temeki shegýge tyıym salatyn zańnyń jobasyn maquldady, dep habarlaıdy AZERTADJ.

Zań temeki shegýdi, ásirese ashyq aýada shegýge shekteý qoıyp, temeki shegýge tyıym salynǵan aımaqtardy keńeıtedi. Barlardyń dálizderinde temeki shegýge ruqsat berilmeıdi.

Temeki ónimderi men elektrondyq sıgaretterdiń kez kelgen jarnamasyna tyıym salynady, sondaı-aq elektrondyq sıgaretterdiń dástúrli temeki retinde teńestirilýine tyıym salynady. Bul erejelerdi buzǵandarǵa 600 myń eýroǵa deıin aıyppul salynýy múmkin, dep jazdy ıspandyq ABC gazeti.

Zańǵa sáıkes, kámeletke tolmaǵandardyń shylym shekkeni úshin jaýapty ata-analarǵa da aıyppul salynatyn bolady.

Densaýlyq saqtaý mınıstri Monıka Garsııanyń aıtýynsha, bul shara balalar men jasóspirimderdi qorǵaýdy kúsheıtedi jáne zańnyń negizgi maqsaty – shylym shegýdiń taralýyn azaıtý jáne jastar arasynda temeki shegýdiń aldyn alý.

Mınıstrler Kabınetiniń jınalysynan keıin ótken baspasóz konferentsııasynda Garsııa «búgin biz temekige qarsy kúreste mańyzdy qadam jasap jatyrmyz» dedi.

Ol Ispanııa temekige qarsy sharalardy iske asyrýda árdaıym alda turǵanyn eske saldy.

2005 jyly ǵımarat ishindegi shylym shegýge tyıym salyndy, al 2010 jyly bul shekteý barlar, meıramhanalar men túngi klýbtarǵa da taraldy.

— Endi biz taǵy da sol jolǵa túsemiz, — dedi mınıstr.

Ol Ispanııada kún saıyn temeki shegý saldarynan 140 adam qaıtys bolatynyn (jylyna 50 myń), al onkologııalyq aýrýlardyń 30 paıyzy temeki tartýmen baılanysty ekenin atap ótti.

Zań shyǵarýshylarǵa jańa quqyqtyq bazaǵa sáıkes ónimderin beıimdeý úshin 12 aılyq ótpeli kezeń beredi, bul ýaqytta bir ret qoldanylatyn elektrondyq temekilerdiń qorlary aıaqtalýy tıis.

Osyǵan deıin Ispanııa mıgranttar qaıyǵyndaǵy jappaı kisi ólimin tergep jatqany aıtyldy.