Ispanııada jarys kóligi bir top kórermendi qaǵyp ótti
ASTANA. QazAqparat - Senbi kúni Ispanııanyń Galısııa aımaǵynda ótken avtomobıl jarysynda jarys kóligi baqylaýdan shyǵyp ketip, kórermenderdi qaqty, dep habarlady «VVS» agenttigi.
Jergilikti polıtsııanyń habarlaýynsha, kólik apatynan 6 adam qaza tapty, onyń ishinde aıaǵy aýyr áıel bolǵan.
«Júrgizýshilerdiń biri jyldamdyqty qatty asyryp jiberip, jınalyp turǵan 20-ǵa jýyq adamdy baryp qaqty», - dedi jergilikti polıtsııa ókili.
BAQ-tyń habarlaýynsha jarys kóliginiń júrgizýshisi men serigi tiri qalǵan. Alaıda, olardyń aman qalǵandyǵy týraly resmı aqparat joq.
