Ispanııada jarylys bolyp, polıtsııa qyzmetkeri qaza tapty
ASTANA. KAZINFORM — Ispanııanyń soltústigindegi Ovedo qalasynda bolǵan jarylystan polıtsııa qyzmetkeri qaza taýyp, taǵy bireýi aýyr jaraqat aldy. Bul týraly Sınhýa agenttigi habarlady.
EFE agenttiginiń málimetinshe, polıtseıler Vılıafrııa aýdanyndaǵy turǵyn úılerdiń birinen jarylǵysh qurylǵy salynǵan rıýkzak tapqan. Olar buǵan deıin áıel adam zardap shekken atys týraly habar túsken soń oqıǵa ornyna barǵan.
Quqyq qorǵaý organdarynyń qyzmetkerleri jumys istep jatqan kezde jarylǵysh qurylǵy iske qosylǵan. Saldarynan kınologııalyq bólimsheniń polıtseıi qaza tapty. Al jarylǵysh zatty zalalsyzdandyrýmen aınalysqan saper bir aıaǵynan aıyrylyp, aýyr halde aýrýhanaǵa jetkizildi.
Ispanııa polıtsııasy atysqa qatysy bar kúdiktini izdestirip jatyr. Aldyn ala málimet boıynsha onyń qarýy bolýy múmkin.
Oqıǵanyń mán-jaıy anyqtalyp jatyr.
Buǵan deıin Túrkııadaǵy zaýyt jarylysynan 17 adam qaza taýyp, alty kúdikti ustalǵan bolatyn.
