Ispanııada jańa premer-mınıstr saılandy
MADRID. QazAqparat – Ispanııa parlamenti premer-mınıstr laýazymyna Pedro Sanchesti laıyq dep tapty, dep habarlaıdy QazAqparat Euronews.com agenttigine silteme jasap.
Onyń kandıdatýrasyn 167 depýtat qoldasa, 165 adam qarsy daýys bergen. Nebary eki daýys artyq jınaǵan ol úkimet basshysy bolyp saılandy.
Jeksenbi kúngi saılaý kezinde Sanches qajetti absolıýtti basym daýysty jınaı almady (350 daýystyń kem degende 176-sy). Ekinshi kezeńde úkimet basshysy ataný úshin zań boıynsha absolıýtti basym daýys qajet emes.
Ótken jyly Ispanııada eki ret jalpyhalyqtyq saılaý ótti. Ekeýinde de jeńisti sotsıalıster jeńip aldy, biraq olar absolıýtti basym daýysqa ıe bolǵan joq.
Sáýirden beri el úkimeti ýaqytsha mindetin atqarýshy retinde jumys istep keldi.
