Ispanııada «úırek laqtyrý» merekesi ótkizilmeıtin boldy
ASTANA. QazAqparat - Katalonııanyń Rosas qalasyndaǵy erekshe mereke ótkizilmeıtin boldy. The Local basylymynyń jazýynsha, festıval kezinde bireý qaıyqta turyp qusty teńizge laqtyrady, al sýdaǵylar júzip júrgender ony ustap alyp jaǵaǵa shyǵarýy kerek.
Rosas qalasynda jyl saıynǵy tamyz aıyndaǵy úırek festıvali 97 jyldan beri úzilissiz ótkizilip keledi. Sońǵy jyldary janýarlardy qorǵaýshylar ony ótkizýge qarsy shyqty. Bıyldan bastap mereke ótkizilmeıdi. Óıtkeni jergilikti bılik oǵan tyıym saldy. Óıtkeni byltyrǵy shara kezinde janjal shyqqan edi. «Úırek aýlaýshylardyń» biri sharanyń ótkizilýine qarsy shyǵyp júrgen janýarlardy qorǵaýshyǵa qol jumsaǵan.
Qalalyq keńes dástúrli merekege tyıym salýdy talqylady. Ony ótkizýdi quptaǵandar bir daýys jetpeı jeńildi.
Qala meri Montse Mından «Zaman ózgerdi, halyq basqa jolmen keledi», dep málimdedi. Sonymen qatar, qalalyq keńes jyl saıyn ótetin buqalardan qashý sharasyna da tyıym salyp otyr.
