Ispanııada ushaq pen tikushaq soqtyǵysyp, jeti adam qaza tapty
MADRID. AZERTADJ – QazAqparat – Ispanııada Malorka aralyndaǵy (Balear araldary) Inka mýnıtsıpalıtetinde jeńil ushaq tikushaqqa soqtyǵysyp, jeti adam qaza tapty, dep habarlaıdy «QazAqparat» HAA AZERTADJ agenttigine silteme jasap.
Agenttiktiń málimetinshe, mert bolǵandardyń arasynda ata-anasymen birge saıahatqa shyqqan eki bala da bar. Balalardyń ata-anasy - Germanııa azamattary. Ushaqta bir ushqysh pen bir jolaýshy bolǵan. Ókinishke qaraı, apattan eshkim aman qalmaǵan.
Ushaq pen tikushaqtyń qaldyqtary jekemenshik úıdiń ústine qulap, sol jerden órt shyqty. Órt sóndirýshiler oqıǵa ornyna jyldam jetip, tilsiz jaýdy sóndirgen. Azamattyq gvardııa apat sebepterin tergeýdi qolǵa aldy.
Al EFE agenttiginiń habarlaýynsha, Balear araldary úkimetiniń tóraǵasy Fransına Armengol men Ispanııanyń premer-mınıstri Pedro Sanches apat qurbandarynyń jaqyn-týystaryna qaıǵysyna ortaqtasa kóńil aıtty. Endi Balear araldarynyń úkimeti aldaǵy úsh kúndi qaraly kún dep jarııalamaq.
