Ispanııada úkimetke qarsy sherýler ótti
ASTANA. 28 qazan. QazAqparat - Ispanııa astanasy Madrıdtegi parlament ǵımaratynyń aldyna eldiń túkpir-túkpirinen myńdaǵan adam jınalyp, úkimettiń daǵdarysqa qarsy qatań sharalaryna narazylyq bildirdi.
Olar úkimettiń ornynan túsýin talap etti.
Bul jerge qoǵamdyq tártipti saqtaý úshin ákelingen júzdegen polıtseılerdiń ózderi de bıýdjettyk qysqartýlarǵa taıaýda ǵana qarsylyq jıynyn ótkizgen edi.
Keler jyly bıýdjet shyǵysyn 40 mıllıard eýroǵa deıin qysqartýdy kózdep otyrǵan premer-mınıstr Marıano Rahoıdyń úkimetine qarsy sherýler keshe Ispanııanyń Barselona, Valensııa jáne taǵy da basqa qalalarynda ótti.
Osy aptada ıspan ekonomıkasynyń ahýaly týraly jańa málimetter jarııalandy. Bul málimetterge qaraǵanda, eldegi eńbekke jaramdy azamattardyń tórtten biri jumyssyz, dep habarlaıdy «Azattyq».
