Ispanııada tuńǵysh dúnıejúzilik halal týrızm konferentsııasy ótedi
ASTANA. QazAqparat - Eýropadaǵy birinshi Dúnıejúzilik halal týrızm konferentsııasy 22-23 qyrkúıek aralyǵynda Ispanııanyń Andalýsııa aımaǵynda ótedi, dep habarlady www.muslim.kz.
Aıtýly jıynda halal naryqtaǵy sońǵy ózgerister men marketıngtik baǵyttary talqylanatyn bolady.
«Bul is-shara halal týrızm aıasyndaǵy eń mańyzdy jıyn bolmaq. Halal týrızmdi jekeleı talqylaıtyn atalmysh konferentsııa talqyǵa shyǵarylǵan máselelerdiń oń sheshimin tabýǵa baǵyttalǵan», - dedi Halal týrızm konferentsııasyn uıymdastyrýshy Tasnım Mahmýd.
Sonymen qatar ol «Bizdiń zertteýler halal týrızmniń arqasynda kóptegen jetistikterge jete alatyn, alaıda áli kúnge deıin onymen aınalyspaıtyn elder men týroperatorlardy anyqtady», - dep atap ótti.
Eki kúndik konferentsııadan keıin qatasýshylardyń barlyǵyna Andalýsııa boıynsha ekskýrsııalyq týr uıymdastyrylady.
Aıta keteıik, Muslim Travel Index Europe 2014 kompanııasynyń zertteýleri nátıjesinde Eýropanyń halal týrızmdi damytýshy ortalyǵy Frantsııa atandy.
Halal týrızm konferentsııasynyń uıymdastyrýshylary jarııalanǵan bul tizim boıynsha taıaý jáne alys shetel musylman týrısteri barǵylary keletin eýropalyq elderdiń bestiginde Frantsııa kósh bastaǵan.
Saýalnamaǵa qatysýshylardyń 30 paıyzy Frantsııaǵa daýys berse, 28 paıyzy Italııa men Ulybrıtanııaǵa, 26 paıyzy Germanııa men Túrkııaǵa daýys bergen.
