Ispanııada tereń qudyqqa túsip ketken 2 jasar balanyń denesi tabyldy
ASTANA. QazAqparat - Ispanııanyń Malaga provıntsııasynda 100 metrlik qudyqqa túsip ketken 2 jasar ıÝlendi izdeý operatsııasy aıaqtaldy. Búldirshinniń denesi arada 13 kún ótkende tabyldy, dep habarlaıdy QazAqparat euronews.com agenttigine silteme jasap.
Ispanııa premer-mınıstri men korol balaqaıdyń otbasyna kóńil aıtty.
Aıta ketý kerek, bul qutqarý operatsııasy Ispanııa tarıhyndaǵy eń kúrdeli ári aýyr oqıǵa boldy. Balany alyp shyǵý úshin jańadan tonnel qazýǵa týra keldi. Aıta keterligi, jerasty galereıasynyń bir bóligin shahterler qolmen qazdy. Biraq jumsalǵan kúsh-jiger men is-áreketterge qaramastan balany aman alyp qalý múmkin bolmady.
«ıÝlenniń ata-anasynan shuǵyl habar túsken sátten bastap Malaga polıtsııasy tergeýdi bastap ketti. Quqyq qorǵaý organdary balanyń qudyqqa qalaı qulap ketkenin, nege olaı bolǵanyn bastan-aıaq anyqtaıtyn bolady», - dep málim etti Euronews.
Eske sala keteıik, osydan 11 kún buryn 2 jasar ıÝlenniń tereńdigi 100 metr, eni 25 santımetr bolatyn uńǵymaǵa qulap ketkenin jazǵan edik.
