Ispanııada temirjol apatynan birneshe adam qaza tapty
ASTANA. QazAqparat - Ispanııanyń Galısııa aımaǵynda temirjol apaty boldy, dep habarlaıdy 24.kz telearnasy.
Vıgo qalasynan Portýgalııaǵa qatynaıtyn poıyz joldaǵy burylysta shoıyn joldan aýytqyp, úsh vagon aýdarylǵan. Apattan poıyz mashınısimen birge tórt adam qaza tapty. On eki jolaýshy jaraqat alǵan, olardyń ekeýi aýyr halde.
Jalpy poıyzda 60 adam bolǵany belgili. Olardyń kóbisi apattan keıin óz kúshimen vagondardan shyǵa aldy. Apatqa ne sebep bolǵany ázirshe belgisiz. 2013 jyly Ispanııa tarıhynda bolǵan eń joıqyn temirjol apatynan 79 adam qaza tapqan edi. Sol kezde júırik poıyzdyń mashınısi joldyń qaýipti bóliginde jyldamdyqty shekten asyrǵan bolatyn.
