Ispanııada tek ósimdik ónimderinen ázirlengen balmuzdaq paıda boldy
ASTANA. QazAqparat - Valensııadaǵy Wacis kompanııasy vegetarıan qaýymǵa arnalǵan balmuzdaq shyǵardy. Espanarusa.com habarlaýynsha, balmuzdaq tek ǵana ósimdikterden alynǵan ónimderden ázirlengen.
Onyń quramynda eshqandaı konservanttar men jasandy ıistendirgishter, glıýten joq. Balmuzdaqty óndirý barysynda tek ǵana balamaly qýat kózderi paıdalanyldy. Qazir Wacis lımon, qulpynaı, apelsın dámi bar «vegan balmuzdaǵyn» saýdaǵa shyǵaryp otyr. Bul táttiniń basty ereksheligi - bul qos pechene men vaflıdiń arasyna salynǵan balmuzdaq, dep habarlaıdy 24.kz.
