Ispanııada taǵy eki adam hantavırýs juqtyrdy
ASTANA. KAZINFORM - Ispanııada MV Hondius krýız kemesine baılanysty hantavırýs juqtyrýdyń taǵy eki jaǵdaıy anyqtaldy, dep habarlaıdy Reuters.
Naýqastardyń biri — Atlant muhıtynyń ońtústigindegi Trıstan-da-Kýnıa aralynda turatyn Ulybrıtanııa azamaty.
Er adam sáýir aıynyń ortasynda aralǵa toqtaǵan krýız kemesinen túskennen keıin ózin jaısyz sezine bastaǵan.
Ekinshi jaǵdaı Ispanııanyń Alıkante provıntsııasynda tirkeldi.
32 jastaǵy áıelden ınfektsııa belgileri ushaqtan túskennen keıin baıqalǵan.
Reuters málimetinshe, ol ushaqta buǵan deıin MV Hondius kemesinde vırýs juqtyryp, keıin aýrýhanada qaıtys bolǵan Nıderland týrısinen nebári eki qatardan soń otyrǵan.
Agenttik deregine sáıkes, jańa ınfektsııa oshaqtary bir-birinen myń shaqyrymnan astam qashyqta ornalasqan óńirlerde anyqtalǵan.
Eske salsaq, Argentınadan Kabo-Verdege baǵyt alǵan krýız kemesinde hantavırýs juqtyrýdyń eti jaǵdaıy tirkelgen edi.
Naýqastardyń úsheýi kóz jumdy.
Buǵan deıin Ispanııanyń Kanar araldarynda vırýs juqtyrǵan jolaýshylar bar kemeni qabyldaıtyny habarlanǵan bolatyn.
Sondaı-aq Izraılde Shyǵys Eýropadan kelgen naýqastan hantavırýstyń alǵashqy jaǵdaıy anyqtalǵan edi.
Al krýız laınerinde Ulybrıtanııanyń eki azamatynyń vırýs juqtyrǵany rastalǵan.
