Ispanııada sý tasqyny saldarynan 50-den astam adam mert boldy

ASTANA. KAZINFORM – Valensııa aımaǵy bıliginiń málimetinshe, nóser jaýyn saldarynan bolǵan sý tasqynynan 50-den astam adam kóz jumdy, dep habarlaıdy euronews.

Aımaq úkimetiniń basshysy Karlos Masonnyń málimdeýinshe, zardap shekken aýdandarda qutqarý operatsııasy jalǵasyp jatyr, al qaza tapqandardyń naqty sanyn ázirge anyqtaý múmkin emes. Sondaı-aq Albasete aımaǵynda iz-túzsiz joǵalǵandar týraly aqparat bar.

Áleýmettik jelilerde sý aǵyny kópirler men kólikterdi shaıyp jatqanyn kórsetetin kadrlar jarııalanyp jatyr. Keıbir beınejazbalarda adamdardyń sý tasqynynan qutylý úshin aǵashtarǵa órmelep jatqany kórsetilgen. Alaıda qaladaǵy saýda ortalyqtarynyń birinde 50-den astam adam qamalyp qaldy.

Buǵan deıin habarlanǵandaı, Ispanııada sý tasqynyna ákelgen apat saldarynan Valensııada kópir qulap, Malagada poıyz relsten shyǵyp ketken, birneshe adam iz-túzsiz joǵalyp ketken.

Osyǵan deıin Argentınada 10 qabatty ǵımarat qulaǵany týraly jazdyq.