Ispanııada sý tasqyny saldarynan 200 adam mert boldy, iz-túzsiz joǵalǵandar da bar

ASTANA. KAZINFORM – Ispanııadaǵy sý tasqyny saldarynan qurban bolǵandar sany kún sanap artyp keledi. Bılik ókilderi qazir sý tasqyny qurbandarynyń sany 205-ke jetkenin aıtyp otyr. Іzdeý jumystary áli jalǵasýda, sondyqtan olardyń sany áli artýy múmkin, dep habarlaıdy Euronews.

Ispanııa 2-qarashaǵa deıin aza tutý kúnin jarııalady. Qazir eldiń tabıǵı apattan zardap shekken ońtústik-shyǵys óńirlerinen naqtylanǵan málimetter kelip jatyr. Osy kezde mert bolǵandar sany 205-ge jetken. Eń kóp qurban bolǵandar Valensııa óńirinde tirkelgen, onda 22 adam kóz jumǵan.

Bılik qazir iz-túzsiz joǵalyp ketkenderdiń sany tolyq naqtylanbaǵandyǵyna nazar aýdaryp otyr, bul mert bolǵandar sany áli artady degen sóz.

Ispanııanyń ońtústik-shyǵysandaǵy kóptegen oramdar úıindige aınalǵan. Eldi osyndaı jaǵdaıǵa dýshar dúleı kúsh DANA klasyndaǵy daýyl bolyp otyr.

Sınoptıkter osy jolǵy sý tasqynynyń Ispanııada 1957-shi jyldan beri alǵash bolyp otyrǵandyǵyn aıtty. Olar sondaı-aq zardap shekken aýdandarǵa taǵy da nóser jaýyn soǵýy múmkin ekendigin eskertip otyr. Qazir ol jaqta dabyldyń eń joǵarǵy «qyzyl» deńgeıi jarııalanǵan.

Osyǵan deıin Ispanııadaǵy sý tasqynynan qaza tapqandar sany 158 adamǵa jetkenin jazǵan edik.