Ispanııada sońǵy 20 jylda bolmaǵan qys bolyp jatyr

MADRID. QazAqparat – Ortalyq Ispanııada kún birden sýytyp, aýa temperatýrasy -25°C-qa deıin tómendedi. Bul ádette qysy jumsaq Iberııa túbegindegi sońǵy 20 jyldaǵy eń sýyq tún boldy, dep habarlaıdy QazAqparat BBC-ge silteme jasap.

Bılik qart adamdardyń eshqaıda shyqpaı, úıde qalýlaryn suraıdy. «Fılomena» qar tsıklony saldarynan qar kóp jaýǵan jáne trotýarlar men joldar muz qursanyp, kólik pen jaıaý júrginshilerge qaýipti jaǵdaı týǵyzǵan.

Sýyqtan jeti adam qaıtys bolǵan, olardyń ekeýi – Barselonada úı-kúıi joq adamdar.

Qar tsıklony saldarynan elektr qýaty úzilip, qala mańyndaǵy poıyzdar jáne kóptegen áýe reısteri toqtap qalǵan.

Jaǵdaı birtindep qalpyna kelýde.