Ispanııada Senegaldan barǵan mıgrant lotereıadan 400 myń eýro utyp aldy
ASTANA. QazAqparat - Ispanııada Senegaldan barǵan jumyssyz mıgrant «El Gordo» lotereıasynan 400 myń eýro utty, dep habarlady «VVS» agenttigi.
Jergilikti BAQ habarlaǵandaı, 35 jastaǵy er adamnyń esimi - Ngame. Ispanııalyq jaǵalaý kúzeti segiz jyl buryn Ngame men onyń áıelin qutqarǵan. Olar Marokkodan Eýropaǵa jetý úshin otyrǵan keme sýǵa ketken. Olardyń turmysy nashar bolǵan. Ngame - Ispanııanyń ońtústigindegi shaǵyn Roketas-de-Mar qalasynda lotereıa bıletin satyp alǵan 1600 turǵynnyń biri.
«Sener emespin. Keı kúnderi áıelim ekeýimizdiń qaltamyzda bes eýro da bolmaıdy», - dedi er adam jergilikti gazetke.
Atalǵan lotereıa 1812 jyldan beri úzdiksiz ótkizilip keledi. Onyń ótýine 1936-1939 jyldardaǵy azamattyq soǵys ta kedergi keltire almaǵan.
