Ispanııada saılaýshy daýys berý jáshigine bıýlleten ornyna 200 eýro salyp ketti
ASTANA. QazAqparat - Ispanııanyń Redondela qalasynda alańǵasar adam avtonomııalyq qaýymdastyqtyń parlamenttik saılaýynda daýys berý kezinde jáshikke bıýlleten ornyna tanystarynyń toıyna syılaýǵa alyp shyqqan 200 eýro salynǵan konvertin salyp ketken. Bul oqıǵa jeksenbide boldy, dep jazady El Mundo.
Osydan keıin er adam 100 shaqyrymda ornalasqan qalashyqtaǵy tanystarynyń balasyn shoqyndyrý rásimine kelip daýys berý bıýllenteni bar konvertti «syılaǵan».
Alaıda ishinde aqshasy joq ekenin bilgen soń ol daýys bergen qalasyna qaıta oralyp bolǵan oqıǵa týraly polıtsııaǵa shaǵym jazǵan.
Shaǵymǵa qaramastan saılaý komıssııasynyń tóraǵasy daýys berý aıaqtalǵansha jáshikti ashpaıtynyn málim etken. Er adam keshke sheıin saılaý aıaqtalýyn kútip otyrdy. Keıin tóraǵanyń ruqsatymen baqylaýshylar jáne polıtsııa qadaǵalýy boıynsha jáshikten aqsha salynǵan konvert alynyp, ıesine qaıtarylyp onyń ornyna bıýlleten qaıta salyndy.
Foto: ELENA RAMÓN
