Ispanııada saqyraýqulaq festıvali bastaldy
ASTANA. QazAqparat - Ispanııanyń Saragosa provıntsııasynda keshe, 25 qazanda sańyraýqulaqtar festıvali bastaldy. Ol 16 qarashaǵa deıin sozylady.
11-inshi ret ótip jatqan bul merekelik sharada sańyraýqulaq jınaýshylardy San-Martın-de-la-Vırhen-de-Monkaıo jáne Anon-de-Monkaıo mýnıtsıpalıtetterinde kútedi. Festıvaldiń maqsaty - adamdarǵa saqyraýqulaq jınaýǵa múmkindik týǵyzý jáne odan jasalǵan taǵamdardan dám tatý ǵana emes, ekologııalyq saýattandyrýǵa basa kóńil bólý. Uıymdastyrýshylardyń túsindirýinshe, ormandy aıalaı bilý, al saqyraýqulaqty jaýapkershilikpen jınaý qajet.
Baǵdarlama boıynsha, sańyraýqulaq terýge balalar men eresekter toptaryn qurý, sańyraýqulaqtan jergilikti meıramhanalarda daıyndalǵan tamaqty tegin berýdi uıymdastyrý qarastyrylyp otyr.
Festıval kezinde jergilikti ónimder bazary jáne saqyraýqulaqtar kórmesi jumys isteıdi. Kóptegen meıramhanalar arzan baǵaly sańyraýqulaq mázirin usynady.
