Ispanııada poıyz apatqa ushyrady, qaza tapqandardyń sany 35-ke jetti
ASTANA. 25 shilde. QazAqparat - Ispanııanyń soltústik-batysyndaǵy temirjol apatynyń saldarynan shamamen 35 adam qaza tapsa, 200-i jaraqattandy.
Buǵan deıin 20 adamnyń opat bolǵany habarlanǵan bolatyn.
Apat Santıago-de-Kompostela qalasynyń mańynda oryn alǵan. Jergilikti BAQ-tyń aqparyna súıensek, boljam boıynsha jolaýshylar poıyzy joldyń shuǵyl burylysynda relsten shyǵyp ketken kórinedi. Jergilikti turǵyndar apatqa deıin jarylystyń bolǵanyn estigen.
Barlyq vagondar relsterden shyǵyp ketken, sońǵysy kúl-talqan bolǵan. Poıyzda 240 jolaýshy otyrǵan. Apat ornynda shuǵyl qyzmet mamandary jumys isteýde. Osy ýchaskede poıyzdar qozǵalysyna ázirge shekteý qoıyldy.
