Ispanııada poıyzdar soqtyǵysynan qaza tapqandar sany 74-ke jetti
ASTANA. KAZINFORM — Ispanııanyń Toledo qalasynda eki poıyzdyń soqtyǵysýy saldarynan qaza tapqandar sany 74 adamǵa jetti. Bul týraly ıspandyq buqaralyq aqparat quraldaryna silteme jasaǵan Report agenttigi habarlady.
Apat saldarynan taǵy 100-ge jýyq adam zardap shekken. Olardyń 53-i aýrýhanada em qabyldap jatyr, al 15 adamnyń jaǵdaıy aýyr.
Buǵan deıin qaza tapqandar men zardap shekkenderdiń arasynda Argentına, Japonııa, Fılıppın, Ońtústik Koreıa jáne Qytaı azamattary bar ekeni habarlanǵan bolatyn.
Temirjol apaty 28 qazanda Ispanııada Renfe jáne Iryo poıyzdarynyń soqtyǵysýy saldarynan bolǵan.
Ispanııanyń kólik mınıstri Oskar Pýenteniń málimdeýinshe, qaıǵyly oqıǵaǵa deıin sıgnal berý júıesinde aqaý týyndap, dıspetcherlik ortalyq poıyzdardyń qozǵalysyn qaıta bastaý týraly sheshim qabyldaǵan.
Osy oqıǵaǵa baılanysty Ispanııada 29–31 qazan aralyǵynda jalpyulttyq aza tutý kúni jarııalandy.
QR Syrtqy ister mınıstrligi qaza tapqandar men jaraqat alǵandar arasynda Qazaqstan azamattary joq ekenin málimdedi.
