Ispanııada poıyz apatynan 50-ge jýyq adam qaza tapty
ASTANA. KAZINFORM — Ispanııanyń Toledo provıntsııasyndaǵy joǵary jyldamdyqqa arnalǵan temirjol jelisinde eki poıyz soqtyǵysty, apat saldarynan kem degende 46 adam qaza tapty, dep habarlaıdy Kazinform agenttiginiń EO-daǵy menshikti tilshisi The Telegraph basylymyna silteme jasap.
Temirjol apaty jergilikti ýaqyt boıynsha tańǵy saǵat 8:54 shamasynda Los-Iebenes pen Ýrda eldi mekenderi arasyndaǵy (basqa derekterge sáıkes, Mora, Orgaz jáne Ýrda aralyǵynda) bolǵan. Temirjol jelisiniń 118-shi shaqyrymynda Renfe kompanııasynyń AVE poıyzy men Iryo jeke operatoryna tıesili poıyz soqtyǵysyp ketken. Ekeýi de Madrıdten Sevılıaǵa bara jatqan. Aldyn ala málimetter boıynsha, Renfe poıyzy toqtap qalǵan nemese baıaýlaǵan Iryo poıyzynyń artynan kelip soǵylǵan.
Oqıǵa ornynda órt sóndirýshiler, Azamattyq qorǵanys qyzmetkerleri jáne medıtsınalyq toptar sııaqty tótenshe jaǵdaılar qyzmetteri jumys istep jatyr. Jedel járdem tikushaqtary men mobıldi jan saqtaý bólimsheleri jiberildi. Kastılııa-La-Mancha bıligi aımaqtyq tótenshe jaǵdaılar josparyn iske qosty.
Madrıd, Sıýdad-Real jáne Andalýsııany baılanystyratyn jelide poıyz qatynasy toqtatyldy. Bul temirjoldyń qashan ashylatyny áli belgisiz.
⚠️Se encuentra interrumpida la circulación en la línea de alta velocidad Madrid-Andalucía por un alcance entre dos trenes.
— INFOAdif (@InfoAdif) October 28, 2026
Apatqa baılanysty Ispanııa úkimeti josparlanǵan is-sharalaryn toqtatty. Ispanııanyń Halyq jáne «Keń maıdan» partııalary da óz is-sharalarynyń toqtatylǵanyn jarııalady. Premer-mınıstr Pedro Sanches kólik mınıstrimen únemi baılanysta ekenin málimdep, zardap shekkender men olardyń otbasylaryna qoldaý bildirdi.
Consternado ante el grave accidente de trenes en Toledo. Permanezco en constante contacto con el ministro de Transportes, @oscar_puente_, y con el presidente de Castilla-La Mancha, @garciapage. Los servicios de emergencia están trabajando sobre el terreno para atender a las personas afectadas y garantizar su seguridad, en coordinación con todas las administraciones implicadas. Mi cariño, solidaridad y apoyo a todas las víctimas y sus familias.
— Pedro Sánchez (@sanchezcastejon) October 28, 2026
Apat sebepteri týraly túrli pikirler aıtyla bastady. Keı habarlamalarda sıgnal berý júıesinde (LZB) aqaý týyndaýy múmkin ekeni, keıbirinde adamı qatelikter aıtylady. Apat sebebine qatysty resmı nusqa anyqtalý ústinde.
Bul 2026 jyly Madrıd-Andalýsııa jelisindegi Renfe jáne Iryo poıyzdarynyń qatysýymen bolǵan ekinshi iri apat. Qańtar aıynda Adamýzdaǵy (Kordova) apat ondaǵan adamnyń ómirin qıǵan. Ispanııa bıligi men operatorlary jańa tótenshe jaǵdaıdyń mán-jaıyn tekserip jatyr.
Qyrkúıekte Frantsııanyń soltústiginde qalaaralyq poıyz relsten shyǵyp ketip, saldarynan 44 adam zardap shekti.
