Ispanııada pıanıst aspapta qatty oınaǵany úshin túrmege qamalýy múmkin
ASTANA. 16 qarasha. QazAqparat - Qyzyqty sot protsesi Jıronda ótip jatyr. Ispanııa prokýratýrasy kásibı pıanıst Laıo Martındi 20 aıǵa túrmege qamaý týraly sheshim shyǵarýdy talap etip otyr, dep habarlady Bı-Bı-Sı.
Mán-jaıdyń osylaı anyqtalýyna mýzykanttyń úıinen tómengi qabatta turatyn kórshilerinen túsken shaǵym sebep bolǵan. Olar pıanıstiń mýzykalyq aspapta tym qatty oınap, shýlaıtynyna, odan olarǵa psıhologııalyq zııan tıetinin aıtqan.
Kórshi áıel pıanınoǵa degen óshiniń sonshalyqty ekendigin, tipti osy aspaptyń qasynda tura almaıtynyn, al ony kınodan kórgende ol onyń jıirkenish sezimin týdyratynyn aıtqan. Sózine qaraǵanda, ol osymen 4 jyl boıy mýzykalyq aspaptyń zardabyn tartyp keledi eken.
Pıanıst qyzdan fortepıanony 6 aıǵa alyp qoıý talap etilip otyr. Odan basqa, qyzdan aıyppul óndirip almaqshy. Atalǵan is boıysha sot sheshimi eki aptanyń ishinde shyǵarylady.
