Ispanııada Papa Frantsısktyń qazasyna baılanysty úsh kúndik aza tutý jarııalandy
MADRID. KAZINFORM – Ispanııa Mınıstrler kabıneti Rım Papasy Frantsısktyń qaıtys bolýyna baılanysty elde úsh kúndik resmı aza tutý jarııalaý týraly sheshim qabyldady, dep habarlaıdy Kazinform agenttiginiń menshikti tilshisi ıspandyq BAQ-qa silteme jasap.
Ispanııanyń barlyq iri saıası qaıratkerleri, sonyń ishinde Premer-mınıstr Pedro Sanches pontıfıktiń qaıtys bolýyna baılanysty kóńil aıtty.
Úkimet basshysy Papa Frantsısktyń beıbitshilikke, áleýmettik ádilettilikke jáne halyqtyń álsiz toptaryna degen adaldyǵy tereń mura bolyp qalatynyn atap ótti.
— Papa Frantsısktyń pontıfıkaty katolık shirkeýin jańartý men reformalaýǵa serpin bergen kezeń boldy. Bul kezeń tarıhta ózindik iz qaldyrady, — dedi Pedro Sanches.
Buǵan deıin habarlanǵandaı, Frantsısk dúısenbi, 21 sáýir kúni dúnıeden ótti.
Eske sala keteıik, Memleket basshysy Rım Papasy Frantsısktiń qazasyna baılanysty kóńil aıtty.
Prezıdent Rım Papasy Frantsısk álem halqynyń esinde beıbitshiliktiń jaqtaýshysy retinde qalatynyn aıtty.
Donald Tramp Rımde ótetin Papa Frantsısktyń jerleý rásimine qatysatyny belgili boldy.