Ispanııada «orys mafııasynyń basshysy» qolǵa tústi
ASTANA. 25 qańtar. QazAqparat - Ispanııanyń polıtsııasy reseılik bıznesmen Andreı Petrovty tutqyndady, dep habarlady Ýtro.rý.
La Vanguardia ustalǵan kásipkerdi orys tildi qylmystyq toptyń belsendi ókilderiniń biri jáne 50 mln. eýrony jymqyrǵan orys mafııanyń basshysy dep ataıdy.
Petrov jáne taǵy úsh adam - onyń ákesi, hatshy, sáýletshi Loret-de-Mar kýrortynda polıtsııa qyzmetkerleri júrgizgen «Klotılda» operatsııasynyń barysynda ustaldy. Petrovtyń úıinen Kalashnıkov avtomaty tabyldy. Onymen birge polıtsııa tártip saqshylardyń pikirinshe, oryn tepken «orys mafııasynyń» birneshe úılerin jáne keńselerin tintidi. Kelesi dúısenbide ustalǵandar sot aldynda jaýap beredi dep kútilýde.
Tekserý amaldarynyń boljamynsha, kúdiktiler zańsyz tabylǵan qarajatty meıramhanalarǵa, dúkender men janarmaı stansalaryna jáne múlik nysandaryna ınvestıtsııalaǵan. Olar bul qylmystyq qyzmetpen eki jyl aınalysqan. Onyń ústine Lorette qylmystyq toptyń shtab-páteri bolǵan.
Polıtsııanyń boljamynsha, «mafııa» qyzmetin jergilikti bılik ókilderi jasyrýǵa kómektesken. Kúdiktilerdiń qatarynda 2011 jylǵa deıin Lorettiń meri bolǵan Katalonııa parlamentiniń depýtaty Haver Krespo bar.
