Ispanııada orman órtin sóndirýshilerge erte zeınetke shyǵý quqyǵy berildi

ASTANA.KAZINFORM – Ispanııada orman órtimen kúresetin órt sóndirýshilerge merziminen buryn zeınetke shyǵý quqyǵy berildi, dep habarlaıdy Anadoly.

Ótken jazdaǵy aýqymdy orman órti Ispanııaǵa myqty, turaqty jáne qorǵalǵan órt sóndirý qyzmeti qajet ekenin kórsetti, dep málimdedi el úkimeti.

Ispanııa úkimeti orman órtimen kúresetin órt sóndirýshilerge jalpyǵa birdeı belgilengen jastan bes jyl erte zeınetke shyǵýǵa múmkindik beretin qaýlyny maquldady. Bul týraly eldiń Integratsııa, áleýmettik qamsyzdandyrý jáne kóshi-qon mınıstri Elma Saıs habarlady.

— Osy arqyly biz osy sanattaǵy qyzmetkerler aldyndaǵy mindetimizdi oryndaımyz. Olardyń zeınetke shyǵý sharttaryn basqa órt sóndirýshilerdiń jaǵdaıymen teńestirip otyrmyz, — dedi mınıstr.

Onyń aıtýynsha, órt sóndirýshilerge zeınetaqymen qamtýdy jaqsartý olardyń jumysynyń aýyr, ýytty, qaýipti ári densaýlyqqa zııandy bolýyna baılanysty qabyldanǵan sheshim.

— Ótken jazdyń aýyr ári qaıǵyly oqıǵalary Ispanııaǵa myqty, turaqty jáne qorǵalǵan órt sóndirý qyzmeti qajet ekenin kórsetti, — dep túıindedi Saıs.

Aıta ketelik elde órt sóndirýshilerdiń jalaqysy ósken edi.