Ispanııada orman órtine baılanysty 8 aýyldyń turǵyndary evakýatsııalandy

NUR-SULTAN. QazAqparat – Ispanııanyń Saragosa provıntsııasynda orman órtine baılanysty 8 aýyldyń halqy – 1 500 adam evakýatsııalandy. 300-den astam órt sóndirýshi jalynnyń iri eldi mekenderde taralmaýyna jol bermeýge tyrysyp jatyr, dep habarlaıdy QazAqparat euronews-ke silteme jasap.

Órt senbide bastalyp, bir táýlikke jeter-jetpes ýaqyt ishinde 200 sharshy shaqyrymǵa jýyq aýmaqty sharpydy. Buǵan 60 km/saǵ jyldamdyǵymen soqqan jel áser etken.

Al, Portýgalııada bir kún buryn el tarıhyndaǵy eń alapat órtterdiń biri baqylaýǵa alyndy. Bir apta ishinde Serra-da-Eshtrela taýlarynda jalyn 16 myń gektar ormandy sharpydy. Biraq, órtti tolyqtaı sóndirý úshin áli de kúsh salynýy kerek.

Tarıhyndaǵy eń iri órtterdiń birinen aman qalǵan Frantsııada kúsh qurylymdary apattyń aldyn alýǵa den qoıdy. Jıronda ot qoıýshylardy izdeıtin jandarmerııanyń tájirıbelik bólimi jumysqa kiristi. Mototsıkl men velosıped mingen ofıtserler jandarmdardyń, ormanshylardyń jáne órt sóndirýshilerdiń fýnktsııalaryn biriktire otyryp, orman alqaptaryn aralap júr.

Foto: AP