Ispanııada naızaǵaı túsip, 40 úı órtenip ketti
NUR-SULTAN. QazAqparat – Ispanııanyń Katalonııa qalasynda naızaǵaı túsip, kólik turaǵyndaǵy 40 avtotirkeme otqa orandy. Tótenshe jaǵdaı Ventalo mýıtsıpalıtetinde (Jırona provıntsııasy) boldy, dep habarlaıdy QazAqparat elperiodico.com saıtyna silteme jasap.
Jalyn 1,5 myń metr aýmaqty sharpyǵan. Tilsiz jaýdy aýyzdyqtaýǵa alty arnaıy órt sóndirý tehnıkasy jumyldyryldy.
Jaqynda Katalonııanyń birqatar aýdandarynda nóser jańbyr jaýyp, naızaǵaı túsken edi. Saldarynan kóshelerdi sý basyp, kólik qozǵalysyna kedergi keltirdi.
