Ispanııada naýryz aıynan beri alǵash ret koronavırýstan qaıtys bolǵan derek tirkelgen joq
MADRID. QazAqparat – Ótken táýlikte naýryz aıynan beri alǵash ret Ispanııada koronavırýstan qaıtys bolý oqıǵasy tirkelmegen, dep málim etti el bıligi. Elde koronavırýs juqtyrýdyń 71 jańa oqıǵasy anyqtalǵan, bul da ekinshi kún qatarynan 100-den tómen kórsetkish tirkelip otyrǵanyn bildiredi. Bul týraly QazAqparatEFE-EPA agenttigine silteme jasap habarlaıdy.
Ispanııa kornavırýs pandemııasynan eń kóp zardap shekken Eýropa elderiniń biri boldy. Sońǵy aptada onda aýrý juqtyrý deńgeıi baqylaýǵa alynǵannan keıin qatań oqshaýlaý rejımi birshama jumsartyldy.
Osydan úsh aıdan astam ýaqyt buryn Ispanııada aýrý órship turǵan edi. Jalpy sol sátten beri koronavırýstan barlyǵy 27 127 adam qaıtys bolǵan. Aýrý juqtyrýdyń rastalǵan jaǵdaılarynyń sany – 239 638.
Sońǵy jeti kún ishinde vırýstan 35 adam kóz jumǵan.
Koronavırýs juqtyrý jaǵdaılarynyń azaıýy elde 14 naýryzda engizilgen shekteý sharalaryn birshama jeńildetýge múmkindik berdi. Karantınniń jeńildeýi tórt kezeńnen turady. Eldiń kóptegen óńirleri karantın rejıminiń jumsartýdyń ekinshi kezeńinde, al Madrıd pen Barselona birinshi kezeńinde. Ár kezeń kelesi kezeńge ótpes buryn kem degende eki aptaǵa sozylýy kerek.
