Ispanııada memlekettik qyzmetker alty jyl jumysqa kelmegen
ASTANA. QazAqparat - Ispandyq memlekettik qyzmetkerge jumysqa kem degende alty jyl barmaǵany úshin 30 myń AQSh dollary kóleminde aıyppul salynǵan, dep jazady Bı-bı-sı.
Hoakın Garsııanyń jumysta joqtyǵy onyń 20 jyldyq qyzmeti úshin syıaqy berý kezinde ǵana baıqalǵan.
Eldiń ońtústik-shyǵysyndaǵy Kadıs qalasynda jergilikti bıliktiń qaraýynda bolǵan sýmen jabdyqtaý kompanııasy Garsııaǵa jylyna 30 myńnan astam dollar tólegen.
Sotta kompanııanyń bastyǵy óziniń keńsesiniń Garsııanyń kabınetine qarama-qarsy ornalasqandyǵymen, ony birneshe jyl kórmegeni belgili boldy.
Sýmen jabdyqtaý boıynsha kompanııa onyń jumysyn jergilikti bılik baqylap otyr dep sanasa, óz kezeginde bılik memlekettik qyzmetkerdiń jumysyn kompanııa baqylap otyr dep eseptegen.
Garsııanyń ózi taǵylǵan aıyptardy joqqa shyǵaryp, jumysqa kún saıyn kelgenin, biraq onda isteıtin jumys bolmaǵanyn aıtyp otyr, dep jazady Independent. Sondyqtan ol negizinen Spınozanyń fılosofııasyn oqýǵa ýaqytyn jumsaǵan.
Aqyry, sot bılikke jaqtasyp, Garsııaǵa onyń bir jyldyq jalaqysymen quny teń aıyppul saldy.
