Ispanııada maska taǵýdan bas tartqan rejısser halyqaralyq festıvaldan qýyldy
NUR-SULTAN. QazAqparat – Ispanııadaǵy San-Sebastıan qalasynda ótip jatqan halyqaralyq festıvalda frantsııalyq rejısser, stsenarııshi jáne akter Ejen Grın medıtsınalyq maska taǵýdan bas tartqany úshin akkredıtatsııadan aıyrylyp, baıqaýdan shyǵaryldy. Bul týraly QazAqparat EFE agenttigine silteme jasap habarlaıdy.
Uıymdastyrýshylardyń aıtýynsha, fılmin kórsetý kezinde rejısserdiń maska taǵý bes ret suraldy, biraq Grın bas tartqan. Aqyry frantsııalyq rejısser zaldan qýyldy. Basylym málimetinshe, jergilikti quqyq qorǵaý organdary akterdi oǵan shaǵym túsiriletini jaıynda eskertken.
28 tamyzda Parıj bıligi qala turǵyndaryn kóshede júrgende maska taǵýdy mindettegen bolatyn. Al 26 tamyzda mundaı sheshimdi Marsel bıligi de qabyldady. Kóshede nemese dúkende maskasyz júrgenderge 135 eýro kóleminde aıyppul salynady. Erejeler qaıta buzylsa, aıyppul somasy 1,5 myń eýroǵa deıin kóbeıýi múmkin.
